"Maçester Siti"nin baş məşqçisi Xosep Qvardiola İspaniyanın Barselona şəhərindədir.

Rekord.az xəbər verir ki, 49 yaşlı mütəxəssis "Barselona"nın ulduzu Lionel Messinin gələcək karyerasını müzakirə etmək üçün onunla görüşməyə razılıq verib.

"Mançester Siti" Lionel Messinin transferində əsas namizəd hesab edilir. Kataloniya təmsilçisi 33 yaşlı hücumçunu buraxmaq niyyətində deyil, klub onu ən azı 700 milyon avro qarşılığında satmağı planlaşdırır.

Messi "Barselona"dan ayrılmaq istəyir. O, 2004-cü ildən Kataloniya təmsilçisinin əsas komandasında çıxış edir.

Forvard bu müddət ərzində bütün turnirlər daxil olmaqla 731 matçda meydana çıxıb, 634 qol və 285 məhsuldar ötürmə ilə yadda qalıb. Xosep Qvardiola 2008 - 2012-ci illərdə "Barselona"nın baş məşqçisi olub.