"Mançester Siti"nin baş məşqçisi Pep Qvardiola Çempionlar Liqasının qrup mərhələsində PSJ ilə keçirəcəkləri matç haqqında danışıb. 

Rekord.az ESPN-ə istinadən xəbər verir ki, 49 yaşlı mütəxəssis Paris təmsilçisinin hücum xəttində oynayan Neymar, Lionel Messi və Kilian Mbappeni xüsusi fərqləndirib. 

"Mən Mbappe, Neymar və Messini necə dayandıracağımızı bilmirəm. Bunu tam səmimi qəlbdən söyləyirəm. İllər ərzində PSJ  görkəmli futbolçuları və məşqçiləri qazanıb. Onlar Fransa çempionatında, kuboklarda və həmçinin Avropada uğur əldə etdilər. PSJ ilə oyunun nə qədər çətin olacağını bilirik. Amma eyni zamanda məqsədimizə çatmağa çalışacağıq". 

Qeyd edək ki, sabah keçiriləcək PSJ - "Mançester Siti" qarşılaşması Bakı vaxtı ilə saat 23:00-da başlayacaq.