Azərbaycan karateçisi Rafael Ağayev Tokio-2020 Yay Olimpiya Oyunlarına lisenziya qazanıb.

Rekord.az xəbər verir ki, Ağayev Avstriyanın Zalsburq şəhərindəki Karate1 Premyer Liqa turnirinin ilk günündən sonra 75 kq çəkidə olimpiadaya vəsiqəni rəsmiləşdirib.

Olimpiya reytinq xallarını 6795-ə çatdıran Ağayev bu günün nəticələrinə görə, ən yaxın izləyicisi Tomas Skott (ABŞ, 5017.50 xal) və Stanislav Horunanı (Ukrayna, 4957.50) kifayət qədər qabaqlayıb.