Futbol üzrə Avstriya yığmasının baş məşqçisi Ralf Ranqnik AÇ-2024-ün seçmə mərhələsi çərçivəsində Bakıda Azərbaycan millisinə qarşı keçirdikləri oyunu şərh edib.

Rekord.az xəbər verir ki, alman mütəxəssis 1:0 hesabı ilə qalib gəldikləri oyundan sonra baş tutan mətbuat konfransında bunları söyləyib:

“Matç asan keçmədi. Rəqibin nəyə qadir olduğunu bilirdik. Azərbaycan seçməsini analiz etmişdik. Ancaq qələbəyə köklənmişdik. Buna da nail olduq".

Ranqnik oyunçuların qələbədən sonra mahnı oxuduğunu söyləyib: "Öz üzərimizdə işləməli və daha da irəli getməliyik. Kollektivdə hər şey yaxşıdır. Futbolçular bir-birilərini başa düşürlər".

Baş məşqçi meydanda mübahisələrin normal olduğunu bildirib: "Biz bunu dəfələrlə görmüşük. Oyunçular bəzən özlərindən çıxırlar".