"Real" yeni transferi Kilian Mbappe ilə müqavilə imzalayıb.

Rekord.az xəbər verir ki, bu barədə klubun saytı məlumat yayıb. 

Mbappe "Real"da 9 nömrəli formanı geyinəcək.

Klub bu gün "Santyaqo Bernabeu" stadionunda fransalı forvard üçün təntənəli təqdimat mərasimi keçirib.

Xatırladaq ki, iyunun 3-də "Real" Mbappeni transfer etdiyini açıqlayıb. Futbolçu kluba azad agent kimi keçib. Onunla 5 illik razılaşmanın əldə olunduğu bildirilmişdi.