"Real" rəhbərliyi "Yuventus"un mərkəz müdafiəçisi Matteys de Lixtin transferində maraqlıdı.

Rekord.az "Calciomercato"ya istinadən xəbər verir ki, "Real" de Lixti karyerasının son illərinə qədəm qoyan Serxio Ramosun əvəzedicisi hesab edir. "Kral klubu"nun yaxın gələcəkdə 20 yaşlı futbolçunun transferinə görə minimum 100 milyon avro ayıracağı bildirilir.

De Lixtin adı daha öncə "Barselona" ilə birlikdə hallanırdı.

Niderlandlı müdafiəçinin "Yuventus"la olan müqaviləsi 2024-cü ilin yayında başa çatır. De Lixt cari mövsümdə 28 matçda meydana çıxıb.