Kolumbiya millisinin düşərgəsində zədələnən “Real”ın futbolçusu Xames Rodriqesin yaşıl meydanlara dönüşü gecikəcək.

Rekord.az xəbər verir ki, 28 yaşlı yarımmüdafiəçinin daha öncə 3 həftə yaşıl meydanlardan uzaq qalacağı açıqlanmışdı.

Amma İspaniya mətbuatının son iddiasına görə, Xames 6 həftə məcburi istirahət etməlidi. Onun sol diz bağlarında qırılma aşkarlanıb.

Qeyd edək ki, Xames bu mövsüm “Real”la 9 oyuna çıxıb və 1 qol vurub.