Azərbaycanın qadın voleybolçulardan ibarət yığmasının üzvü Polina Rəhimova Braziliya çempionatında növbəti oyununa çıxıb. "Rekord.az" xəbər verir ki, təcrübəli hücumçumuzun formasını geyindiyi "Osasco" 12-ci turda "Flor de Ype" klubu ilə qarşılaşıb. 

Səfərdə keçirilən görüş voleybolçumuzun komandası üçün yaxşı başlamayıb və ilk setdə meydan sahibləri qalib gəliblər. Lakin "Osasco"  bundan sonra ardıcıl üç hissəni aktivinə yazdırmağı bacarıb. Polina və rəfiqələri 4 set davam edən matçda  3:1 (14:25, 25:23, 27:25, 27:25) hesabı ilə qələbə qazanıblar. 

Gərginliyi ilə yadda qalan bu qarşılaşmada millimizin üzvü əvəzetmə ilə oynayıb. O, meydanda olduğu müddətdə 10 xal qazanıb. Rəhimova meydan sahiblərini 7 dəfə hücumda, 2 dəfə eyslə, 1 dəfə isə blokda məyus edib. 

Qeyd edək ki, "Osasco"nun aktivində 29 xal var. Hücumçumuzun komandası turnir cədvəlində 2-ci pillədə qərarlaşıb.