«Zirə»nin baş məşqçisi Rəşad Sadıqov 2 futbolçuya xəbərdarlıq edib.

Rekord.az  sportinfo.az-a istinadla xəbər verir ki, gənc mütəxəssis son turlarda istənilən oyunu sərgiləməyən Ruslan Qurbanovla Tural Bayramlıya öz narazılığını bildirib.

«Pro» kateqoriyalı çalışdırıcı onları bütün fikrini futbola verməməkdə, məşqlərə həvəssiz yanaşmaqda, nəticədə rəqabəti davam gətirməməkdə qınayıb.

Sadıqov hər iki oyunçunun nəzərinə çatdırıb ki, onlardan çox şey gözləyir və əgər ümidləri doğrultmasalar, qış fasiləsində komandadan ayrılmalarını istəyəcək.