İtaliyanın “Milan” klubu heyətini yeni futbolçu ilə gücləndirib.

Rekord.az xəbər verir ki, A Seriyası təmsilçisi “Roma”dan Alessandro Florensini icarəyə götürüb. Bu barədə klubun mətbuat xidməti məlumat yayıb.

İtaliya yığmasının da üzvü olan müdafiəçi 2022-ci ilin yayına qədər “Milan”da çıxış edəcək.

Florensi ötən mövsümü Fransanın PSJ klubunda icarədə keçirib.

30 yaşlı futbolçu İtaliya yığması ilə bu il keçirilən Avropa çempionatının qalibi olub.