“Roma”nın türk futbolçusu rəsmən “Verona”da
- 25 Avq 2020 13:23
- 640
Futbol üzrə Türkiyə yığmasının müdafiəçisi Mert Çetin İtaliyada iş yerini dəyişib.
Rekord.az xəbər verir ki, “Roma”nın uğurları üçün çalışan futbolçu yeni mövsümdən “Verona”da oynayacaq.
O, paytaxt klubundan satınalma şərti ilə bir illik icarəyə götürülüb. Bu barədə “Verona”nın rəsmi saytı məlumat yayıb.
23 yaşlı futbolçu 2019-cu ildə “Gənclərbirliyi”ndən “Roma”ya transfer olunub. O, daha öncə “Hacettepe” klubunda da forma geyinib.
