"Yuventus"un idman direktoru Fabio Paratiçi hücumçu Kriştiano Ronaldonun Turin klubu üçün oynadığı rolu haqda danışıb.

Rekord.az "Sky Sports"a istinadən xəbər verir ki, o, bununla bağlı deyib: "Kriştiano digər oyunçulardan fərqlidir. O, demək olar ki, bizim klub qədər böyük bir markanı təmsil edir. Ronaldonun inanılmaz gəlir gətirdiyini söyləyə bilərəm".

Qeyd edək ki, Ronaldo 2018-ci ilin yayında "Real"dan "Yuventus"a transfer olunub. O, bu mövsüm 35 matçda 25 qol vurub, 4 qolun ötürməsini verib.