Fransa millisinin üzvü Kərim Benzema Avro-2020-nin qrup mərhələsində Portuqaliya millisi ilə oyunda keçmiş komanda yoldaşı Kriştiano Ronaldo ilə qarşılaşdığına görə sevindiyini bildirib.

Rekord.az xəbər verir ki, o, “A Bola”ya açıqlamasında oyundan sonra Ronaldo ilə mehriban söhbətləşmələrindən danışıb. Benzema Ronaldo ilə “Real”da xeyli müddət birlikdə oynadığını xatırladaraq onunla dost olduğunu deyib:

“Ronaldo mənim yaxın dostumdur. “Real”da möhtəşəm bir duetimiz olub, birlikdə çox qol vumuşuq. Onunla bu çempionatda qarşılaşmaq çox xoş oldu. Milli komandalarımız və klublarımızın oyunlarından danışıdıq, bir-birimə uğurlar dilədik”.

Qeyd edək ki, 2:2 hesabı ilə başa çatan Portuqaliya – Fransa matçında həm Ronaldo, həm də Benzema dubl edib.

Xatırladaq ki, Ronaldo ilə Benzema “Real”da 9 il (2009-2018) birlikdə çıxış ediblər.