Futbol üzrə Rusiya Premyer Liqasının 30-cu turu çərçivəsində keçirilməsi planlaşdırılan "Krilya Sovetov" - "Soçi" matçı təxirə salınıb. 

Rekord.az xəbər verir ki, bu barədə Samara təmsilçisinin mətbuat xidməti məlumat yayıb.

Xəbərdə bildirilir ki, "Soçi" klubu bu barədə qarşı tərəfə məktub göndərib. Klub bildirib ki, epidemioloji vəziyyət onların oynamasına imkan verməyəcək. 

Qeyd edək ki, daha əvvəl "Soçi"nin bir neçə futbolçusunun koronavirusa yoluxduğu bəlli olub. Bu səbəbdən 29-cu turdakı "Tambov"la matç da gerçəkləşməyib.