“Sabah azarkeşlərimizin dəstəyinə ehtiyacımız var”.

Rekord.az xəbər verir ki, bunu "Zirə"nin futbolçusu Ruan Renato "Şerif"ə qarşı Avropa Liqasının 1-ci təsnifat mərhələsinin cavab oyunu öncəsi "Dalğa Arena"da gerçəkləşən mətbuat konfransında deyib.

O, komandanı gərgin oyun gözlədiyini bildirib:

"Rəqib oyunçular hər top uğrunda sona qədər mübarizə aparırlar. Biz isə bütün imkanları dəyərləndirməliyik. Sabah azarkeşlərimizin dəstəyinə ehtiyacımız var. Bizi daha gərgin qarşılaşma gözləyir".

"Zirə" və "Şerif" arasında cavab matçı iyulun 18-də, saat 20:00-da "Dalğa Arena"da baş tutacaq. Moldovada gerçəkləşən ilk görüşdə Sadıqovun rəhbərlik etdiyi komanda 1:0 hesablı qələbə qazanıb.