Gürcüstanın Tbilisi şəhərində təlim-məşq toplanışında olan “Sabah” növbəti mövsüm üçün hazırlıqlarını davam etdirir.

Rekord.az xəbər verir ki, dünən komanda öncə fitnes zalında məşq keçib.

Axşam saatlarında isə daha bir məşq baş tutub. “Zestafoni” təlim-məşq bazasında keçirilən məşqdə futbolçular topla müxtəlif təmrinləri yerinə yetirib, taktiki planda hazırlıq keçiblər.

“Ağ-göylər” Gürcüstan toplanışında 3 yoxlama oyununda qüvvəsini sınayacaq.

Masazır təmsilçisi iyulun 20-də “Şukura”, iyulun 23-də “Samqurali”, iyulun 28-də isə “Saburtalo” ilə qarşılaşacaq. “Sabah” iyulun 29-da vətənə qayıdacaq.