Şabran şəhər Mərkəzi stadionunda Quba-Xaçmaz Regional Gənclər və İdman İdarəsinin Şabran rayonu üzrə gənclər və idman sektorunun təşkilatçılığı ilə “İdman hamı üçün” layihəsi çərçivəsində futbol üzrə kütləvi idman tədbiri keçirilmişdir.

Rekord.az xəbər verir ki, yeniyetmələrin futbol idman növünə marağının artırılması, rayonda idmanın kütləviliyinə nail olunması, idmanın bu növünün yeniyetmələr arasında təbliğ olunması, futbol idman növünün sirlərinin uşaq və yeniyetmələrə aşılanması və onların asudə vaxtının səmərəli təşkil edilməsi məqsədilə keçirilmiş idman tədbirində Quba-Xaçmaz Regional Gənclər və İdman İdarəsinin Şabran rayonu üzrə gənclər və idman sektorunun baş məsləhətçisi Vüsal Alışov, Quba-Xaçmaz Regional Gənclər və İdman İdarəsinin nəzdində UGİM-in məşqçi-müəllimi Nəriman Əzimov və yeniyetmə idmançılar iştirak etmişdir.