Azərbaycan Voleybol Federasiyasının prezidenti Şahin Bağırov Qızıl Avropa Liqasında mübarizə aparan qadın voleybolçulardan ibarət yığmamızın məşqində olub. "Rekord.az" xəbər verir ki, qurum rəhbəri GİN-nin Voleybol Mərkəzində təşkil olunan məşqdən əvvəl komandamızın üzvləri və məşqçilər heyəti ilə görüşüb.

Ş.Bağırov sabah Bakıda start götürəcək 3-cü turda millimizin daha uğurlu çıxış edəcəyinə, Estoniya və Avstriya yığmalarına qalib gələcəklərinə əminliyini ifadə edib. Voleybolçularımız da doğma meydanda hər iki qarşılaşmada qələbə qazanmaq üçün əllərindən gələni edəcəklərini bildiriblər.

Qeyd edək ki, komandamız bu turda ilk oyununa bu gün çıxacaq. Rəqibimiz Estoniya yığmasıdır. Qarşılaşma saat 18:00-da başlayacaq.