Şirvan-Salyan Regional Gənclər və İdman İdarəsinin Salyan rayonu üzrə gənclər və idman sektorunun və Salyan Olimpiya İdman Kompleksinin birgə təşkilatçılığı ilə,  "İdman hamı üçün" layihəsi çərçivəsində yeniyetmələr arasında üzgüçülük idman növü üzrə rayon birinciliyi keçirilmişdir.

Rekord.az xəbər verir ki, Salyan Olimpiya İdman Kompleksinin üzgüçülük hovuzunda təşkil edilən rayon birinciliyində əvvəlcə, idmançılar salamlandı və onlara yarışın qaydaları izah olundu.

Sonra yarışa start verildi.Maraqlı idman mübarizəsi şəraitində keçən yarışın sonunda qaliblər Şirvan-Salyan Regional Gənclər və İdman İdarəsinin diplomları və Salyan Olimpiya İdman Kompleksinin medalları ilə təltif olundular.