"Makkabi" fiaskosundan sonra böyük əksəriyyət "Neftçi"nin baş məşqçisi Samir Abasovun istefaya getməli olduğunu düşünür.

Rekord.az-a daxil olan məlumata görə, hələlik, klub rəhbərliyi tərəfindən belə bir məsələ müzakirə olunmayıb.

Ola bilsin, daxili çempionatda Samirə özünü yenidən sübut üçün şans verilsin. Lakin istisnalarsız da keçinmək mümkün deyil. Saytımıza sıza məlumata görə, hər ehtimala qarşı, Abasovun yerinə yeni namizədlə bağlı da ilkin qərar var. Belə ki, Samirlə yollar ayrılacağı təqdirdə, böyük ehtimalla onu Mahmud Qurbanov əvəzləyəcək. Ötən mövsüm "Neftçi-2" ilə ölkə çempionluğunu qazanan Mahmudun namizədliyinin AFFA-dan irəli sürüldüyü deyilir.