Cari mövsümün ilk turunda "Sabah"ı məğlub edən "Səbail" futbolçularına rəhbərlik tərəfindən mükafat vəd olunmuşdu.

Rekord.az xəbər verir ki, məbləğ açıqlanmasa da, hər futbolçunun ən azı 500 manat alacağı gözlənilən idi.

Lakin üzərindən bir aya yaxın vaxt keçsə də, həmin mükafatdan xəbər-ətər yoxdur. Futbolçular baş məşqçi Aftandil Hacıyevə müraciət etsə də, baş məşqçi də onlar kimi, gözləmə mövqeyində olduğunu bildirib.