"Səbail"in baş məşqçisi Aftandil Hacıyev gələn həftə rəhbərliklə görüşmək istəyir.

Rekord.az-a daxil olan məlumata görə, səbəb futbolçuların maaşı ilə bağlıdır.

Bildiyiniz kimi, "Səbail"də iki aydır ki, futbolçular maaşlarını ala bilmir. Ötən həftə bir hissə ödənilmişdi. Söz verilmişdi ki, bu həftə də qalan hissə ödəniləcək. Lakin hələlik məsələdən səs-soraq yoxdur. Məhz bu səbəbdən də baş məşqçi rəhbərliklə görüşüb konkret cavab almaq istəyir. Çünki futbolçuları indiki halda oyunlara kökləmək olmur.