Ötən mövsümün sonunda “Səbail”dən ayrılan Maykl Essyenin yeni iş yeri müəyyənləşib.

Rekord.az xəbər verir ki, o, bundan sonra Danimarkanın “Nordsyelland” klubunun baş məşqçisi Flemminq Pedersenin köməkçisi kimi çalışacaq.

Bu barədə sözügedən klubun rəsmi saytı məlumat yayıb. Essyen oynayan məşqçi kimi fəaliyyət göstərəcək.

Essyen 2020/21 mövsümünün sonunadək Danimarka klubunda çalışacaq. O, sentyabrın 10-dan vəzifəsinin icrasına başlayacaq.

Qeyd edək ki, Maykl Essyen 2019-cu ilin martından "Səbail"də çıxış edirdi.