Şəhriyar Məmmədyarov və Teymur Rəcəbovun şahmat üzrə Azərbaycan çempionatının 1/4 final mərhələsindəki rəqibləri bəlli olub.

Rekord.az xəbər verir ki, bu, 1/8 finalda tay-brek görüşlərindən sonra bəlli olub.

Məmmədyarov növbəti raundda Məhəmməd Muradlı, Rəcəbov isə Vüqar Əsədli ilə üz-üzə gələcək.

Bundan əlavə, Misrətdin İskəndərov, Əhməd Əhmədzadə, Günay Məmmədzadə ilə Türkan Məmmədyarova da 1/4 finala vəsiqə qazanıblar.

Azərbaycan çempionatı

1/4 final cütləri

Kişilər

Şəhriyar Məmmədyarov - Məhəmməd Muradlı

Misrətdin İskəndərov - Aydın Süleymanlı

Rauf Məmmədov - Əhməd Əhmədzadə

Vüqar Əsədli - Teymur Rəcəbov

Qadınlar

Günay Məmmədzadə - Səbinə İbrahimova

Gülnar Məmmədova - Xanım Balacayeva

Ülviyyə Fətəliyeva - Zeynəb Məmmədyarova

Türkan Məmmədyarova - Gövhər Beydullayeva

Kişilərin yarışında mükafat fondu 60 min, qadınlarda isə 30 min manat təşkil edir.