"Barselona"nın sabiq kapitanı Serji Robertonun "Komo"ya keçidi rəsmiləşib.

Rekord.az xəbər verir ki, bu barədə sözügedən klubun mətbuat xidməti məlumat yayıb.

İtaliya A Seriyası təmsilçisi 32 yaşlı yarımmüdafiəçi ilə 2 illik müqavilə imzalayıb. 

Serji Roberto 2013-cü ildə "Barselona"nın əsas komandasında debüt etmişdi. O, bu yay Kataloniya klubundan ayrılıb. Serji bu müddət ərzində 7 dəfə La Liqanın, 2 dəfə Çempionlar Liqasının qalibi olub.

"Komo"nun baş məşqçisi Robertonun "Barselona"dakı sabiq komanda yoldaşı Sesk Fabreqasdır.