Futbol üzrə UEFA Çempionlar Liqasının qrup mərhələsi çərçivəsində keçirilən “Qalatasaray” (Türkiyə) - “Real” (İspaniya) matçında yeni rekord qeydə alınıb.

Rekord.az xəbər verir ki, Madrid təmsilçisinin kapitanı Serxio Ramos İstanbuldakı qarşılaşmada 121-ci ÇL matçına çıxıb. İspaniyalı futbolçu bununla da qitənin ən nüfuzlu klub turnirində ən çox oyun keçirən müdafiəçiyə çevrilib.

ÇL-də müdafiəçilər arasında ən çox oyun keçirən futbolçu Roberto Karlos idi – 120. Ramos məhz keçmiş komanda yoldaşının rekordunu yeniləyib.

Qeyd edək ki, Ramosun komandası “Qalatasaray”la oyunda 1:0 hesablı qələbəyə sevinib.