“Çox çətin qələbə oldu. Xal itirə bilərdik, ancaq buna imkan vermədik. Səfərdə oynayanda, rəqib sona qədər təzyiq edir. Üç xala görə şadam”.

Rekord.az xəbər verir ki, bu sözləri Avropa Liqasının qrup mərhələsində “Qarabağ”ın rəqibi olan “Sevilya”nın futbolçusu Juan Jordan İspaniya La Liqasının son turunda ötən gecə “Valyadolid”ə qalib gəldikləri oyundan (1:0) sonra deyib.

Yerli mətbuata açıqlama verən ispaniyalı yarımmüdafiəçi “Qarabağ”la qarşıdan gələn görüş haqda da danışıb: “Bugünkü görüşdən zövq aldıq. Əminəm ki, cümə axşamı keçirəcəyimiz oyunda da belə olacaq. Qarşıda qazanmaq istədiyimiz Avroliqa matçı var. İndi istirahət edib daha yaxşı hazırlaşmalıyıq. Qələbə motivasiya baxımından çox yaxşıdır. Əsas hədəfimiz növbəti oyundur, yaxşı hazırlaşmalıyıq”.

Xatırladaq ki, "Sevilya" - "Qarabağ" matçı noyabarın 28-dən 29-na keçən gecə Bakı vaxtı ilə saat 00:00-da başlayacaq.