Madrid “Atletiko”su İspaniya La Liqasının 15-ci turu çərçivəsində “Real Sosyedad”ı 2:0 hesabı ilə məğlub edib.

Rekord.az xəbər verir ki, bu qələbə paytaxt klubunun baş məşqçisi Dieqo Simeone üçün əlamətdar olub.

Belə ki, Simeone “Atletiko”nun “sükanı arxasında” 300-cü qələbəyə sevinib. O, bu göstəriciyə 499-cu oyunda çatıb. 

Simeone 500-dən az oyunda 300 qələbəyə sevinən ikinci mütəxəssis olub. Daha əvvəl “Real”ın sabiq çalışdırıcısı Miçel Munos 500-dən az oyunda 300 qələbəni bayram edib.