Siyəzən şəhər 2 nömrəli tam orta məktəbin idman zalında 12 Avqust - Beynəlxalq Gənclər Günü münasibəti ilə gənclər arasında 3x3 basketbol idman növü üzrə Siyəzən rayon birinciliyi keçirilib.

Rekord.az xəbər verir ki, Quba-Xaçmaz Regional Gənclər və İdman İdarəsinin Siyəzən rayonu üzrə gənclər və idman sektorunun təşkilatçılığı ilə keçirilən yarışda gənclər arasında basketbol idman növünə marağın artırılması, bu idman növünün rayonda inkişaf etdirilməsi, idman oyunlarının kütləviliyinin yüksəldilməsi, sağlam həyat tərzinin təbliği olunması, gənclərin fiziki sağlamlıqlarının möhkəmləndirilməsi məqsədi daşıyan yarışda 5 komanda iştirak edib.

Oyunların nəticəsinə əsasən yarışda “Zarat” komandası I yeri, “Forza” komandası komandası II yeri, “Həmyə” komandası isə III yeri tutmuşdur.

Qalib komandaların üzvləri sonda Quba-Xaçmaz Regional Gənclər və İdman İdarəsinin medal və diplomları ilə təltif ediliblər.