4 oktyabr 2024-cü il tarixdə şəhər 1 nömrəli tam orta məktəbin idman zalında Quba-Xaçmaz Regional Gənclər və İdman İdarəsinin Siyəzən rayonu üzrə gənclər və idman sektorunun təşkilatçılığı ilə “İdman hamı üçün” layihəsi çərçivəsində “Basketbol hamı üçün” kütləvi idman tədbiri keçirilmişdir.

Rekord.az xəbər verir ki, yeniyetmələrin basketbol idman növünə marağının artırılması, idmanın bu növünün yeniyetmələr arasında təbliğ olunması, onların sağlamlıqlarının möhkəmləndirilməsi və qorunması, eləcə də asudə vaxtlarının səmərəli təşkil edilməsi məqsədilə keçirilən idman tədbirində Siyəzən rayonu üzrə gənclər və idman sektorunun əməkdaşları, məktəbin fiziki tərbiyə müəllimləri və yeniyetmə idmançılar iştirak etmişdir.