Məlum olduğu kimi, yenidən qurulan Mehdi Hüseynzadə adına Sumqayıt şəhər stadionunda xeyli müddət idi işlərə ara verilmişdi. Konkret desək, mart ayının sonundan etibarən tikinti işləri dayanmışdı ki, bu da sumqayıtlı azarkeşləri çox narahat edirdi.

Rekord.az xəbər verir ki, artıq bu narahatlığa əsas yoxdur.

Belə ki, stadionda işlər yenidən bərpa olunub. Arenaya yenidən ağır texnika və işçi qüvvəsi cəlb olunub. Hazırda stadionun girişində olan köhnə pilləkənlər, kassa və digər tikililərin söküntüsü gedir. Daha sonra layihəyə uyğun olaraq arenanın ətrafında yeni tikilərin, park və heykəllərin tikintisi aparılacaq. Arena daxilində isə işlər demək olar ki, 90 faiz yekunlaşıb. Sadəcə, oturacaqların və tablonun quraşdırılması, eləcə də qazonun salınması qalıb. Stadionun löhvəsi də hasara vurukub və oradan keçənlər layihə ilə yaxından tanış ola bilər.