2020/21 mövsümü üçün transfer çalışmalarını davam etdirən “Sumqayıt” ilk futbolçu keçidini reallaşdırıb.

Rekord.az xəbər verir ki, sözügedən klub Tellur Mütəllimovu transfer edib.

Bu barədə klubun mətbuat xidməti məlumat yayıb. Son mövsümü “Zirə”də keçirmiş futbolçu ilə 1 illik sözləşmə imzalanıb.

Qeyd edək ki, yarımmüdafiəçi daha əvvəl “Qəbələ” (24 oyun, 5 qol) və “Zirə” klublarının (63 oyun, 3 qol) şərəfini qoruyub. Mütəllimov Azərbaycanın U-21 (1 oyun) və A millilərinə də (1 oyun) dəvət alıb.