"Sumqayıt"da maddi sıxıntı olması haqda məlumat vermişdik. Bildirmişdik ki, klubun baş sponsoru olan "Azərkimya" heyətin gücləndirilməsi, yeni transferlər üçün vəsait ayırmırdı. Buna baxmayaraq, komandanın yay hazırlığının ikinci mərhələsini Türkiyədə keçəcəyi məlum olub. Bu zaman sual yaranır: pul varsa, yeni transferlərə niyə ayırılmır, yoxdursa, komanda Türkiyəyə hansı pulla gedir? 

Rekord.az-a daxil olan məlumata görə, şəhər rəhbərliyinin SOCAR rəhbərliyi ilə danışıqlarından sonra SOCAR-dan "Azərkimya"ya vəsait ayırılması ilə bağlı tapşırıq verilib.

"Azərkimya" isə yalnız bəlli bir vəsait ayırıb. Yəni o büdcə ilə həm yeni futbolçu almaq, həm də ölkə xaricində hazırlıq keçmək mümkün deyil. Buna görə seçim edən klub rəhbərliyi ölkə xaricinə getməyi üstün tutub. Heyət isə daha çox az maaşa oynamağa razı olan yerli futbolçuların hesabına qurulacaq.