Konfrans Liqasının 2-ci təsnifat mərhələsi çərçivəsində baş tutacaq "Sumqayıt" - "Fehervar" matçına 2800 bilet satılıb.

Rekord.az xəbər verir ki, bu barədə "Sumqayıt" klubunun mətbuat xidməti məlumat yayıb.

Oyunu canlı izləmək istəyən azarkeşlər biletləri iTicket.az, 1 saylı Sumqayıt ASAN Xidmət mərkəzindən, 20 iyul tarixindən isə Mehdi Hüseynzadə adına stadionun kassasından əldə etmək mümkündür. Qiymətlər sektorlardan asılı olaraq 5, 10 və 25 manatdır.

"Sumqayıt" "Fehervar"la Konfrans Liqasında ilk matçını iyulun 25-də evdə, cavab qarşılaşmasını isə 31-də Macarıstanda keçirəcək.