Türkiyənin “Göztəpə” klubu iki futbolçusu ilə yollarını ayırıb.

Rekord.az xəbər verir ki, Super Liqa təmsilçisi braziliyalı yarımmüdafiəçilər - Gilyerme və Marsio Mossoro ilə vidalaşıb.

Bu barədə klubun mətbuat xidməti məlumat yayıb. Hər iki futbolçu ilə müqaviləyə qarşılıqlı razılıq əsasında xitam verilib.

Portuqaliyanın “Alvarenqa” klubundan 2 illik icarəyə götürülən Gilyerme, karyerasını Çində davam etdirəcəyi üçün son dövrlərdə forma şansı qazanmırdı. O, “Göztəpə”də meydana çıxdığı 11 rəsmi oyunda 3 qolla yadda qalıb.

Mossoro isə iki mövsüm idi İzmir təmsilçisinin uğurları üçün çalışırdı. O, bu müddət ərzində 39 Super Liqa, 6 kubok matçında cəmi 3 qol vurub.