Türkiyənin “Yeni Malatyaspor” klubu baş məşqçisi Hikmət Karamanla yollarını ayırıb.

Rekord.az xəbər verir ki, bu barədə Super Liqa təmsilçisinin rəsmi saytı məlumat yayıb.

Xəbərdə Karaman və köməkçiləri ilə müqavilənin qarşılıqlı razılıq əsasında ləğv olunduğu diqqətə çatdırılıb.

Hikmət Karaman “Yeni Malatyaspor”u bu ilin mart ayından çalışdırırdı. O, klubla 1.5 illik müqaviləyə imza atmışdı. Komanda onun rəhbərliyi altında geridə qalan mövsümü 18 iştirakçı arasında 16-cı pillədə başa vurmuşdu.