Türkiyənin “Gənclərbirliyi” klubunun yeni baş məşqçisi müəyyənləşib.

Rekord.az xəbər verir ki, Mustafa Kaplanın istefasını qəbul edən klub rəhbərliyi onu Mehmet Altıparmakla əvəz edib.

Bu barədə Super Liqa təmsilçisinin mətbuat xidməti məlumat yayıb. Lakin tərəflər arasındakı müqavilənin müddəti və digər detalları açıqlanmayıb.

Qeyd edək ki, “Gənclərbirliyi” bu mövsüm Super Liqada keçirdiyi 21 oyunda 19 xal toplayıb və 21 kollektiv arasında 19-cu sırada qərarlaşıb.