Quba-Xaçmaz Regional Gənclər və İdman İdarəsinin Xaçmaz rayonu üzrə gənclər və idman sektorunun təşkilatçılığı ilə taekvondo idman zalında məktəblilər arasında taekvondo idman növü üzrə Xaçmaz rayon birinciliyi keçirilib.

Rekord.az xəbır verir ki, yarışda Xaçmaz Rayon İcra Hakimiyyəti başçısının müavini Bəxtiyar Osmanov, Quba-Xaçmaz Regional Gənclər və İdman İdarəsinin Xaçmaz rayonu üzrə gənclər və idman sektorunun müdiri Elman Məmmədov, məşqçi-müəllimlər Yalçın Cabarlı, Həsən Məmmədov çıxış edərək yarışın məqsədləri və qaydaları haqqında iştirakçılara məlumat verib və komandalara uğurlar arzulayıb.

80 idmançının iştirak etdiyi birincilik gənclər arasında taekvondo idman növünün təbliği və inkişaf etdirilməsi, rayonda taekvondoya marağın artırılması, gənclərin sağlam həyat tərzinə təşviq edilməsi və onların arasında zərərli vərdişlərin yayılmasının qarşısının alınması, taekvondo üzrə rayon komandasının tərkibinin müəyyənləşdirilməsi, həmçinin gənclərin asudə vaxtlarının səmərəli təşkil olunması məqsədi daşıyıb.

Yarışın nəticələri əsasən qalib idmançılar təşkilatçılar tərəfindən müvafiq dərəcəli diplom və medallarla təltif edilmişlər.