Almaniyanın “Leyptsiq” klubunun futbolçusu Timo Verner karyerasını İngiltərə Premyer Liqasında davam etdirəcək.

Rekord.az xəbər verir ki, 24 yaşlı hücumçu “Çelsi”yə transfer olunacaq.

Bu barədə “zadəganlar”ın rəsmi saytı məlumat yayıb. “Çelsi” Vernerin keçidi üçün “Leyptsiq”lə razılığa gəldiklərini açıqlayıb.

Almaniya milli komandasının da üzvü olan Verner, iyulda “Çelsi”yə qoşulacaq.