“Tottenhem” rəsmi saytında “Bernli”dən hücumçu Vilson Odoberin transferi ilə bağlı razılığın əldə olunduğunu açıqlayıb.

Rekord.az London klubunun rəsmi saytına istinadən xəbər verir ki, fransalı futbolçu ilə 2029-cu ilə qədər olan müqavilə imzalanıb və o, yeni komandasında 28 nömrəli forma geyinəcək.

“Tottenhem” Odoberin transferi üçün 29,3 milyon avro ödəyib.

19 yaşlı forvard 2017-ci ildən PSJ-nin akademiyasında məşq edib, daha sonra “Troya”ya köçüb. O, “Troya” ilə Liqa 1-də 31 oyun keçirib, 4 qol vurub və 2 məhsuldar ötürmə edib.

Odober ötən yay “Bernli”yə keçib və bu komanda ilə 34 oyunda 5 qolla yadda qalıb.