Futbol üzrə İran çempionatında 17-ci turun oyunları keçirilib.

Rekord.az xəbər verir ki, Cənubi Azərbaycanı təmsil edən “Traktor”la “Maşinsazi” də növbəti matçına çıxıb.

“Traktor” doğma meydanda “Nassaji Mazandaran”la qarşılaşıb. Təbriz klubu bu oyundan qələbə ilə ayrılıb – 2:1.

Təbrizin digər təmsilçisi “Maşinsazi” isə səfərdə “Zobahan”la üz-üzə gəlib və 0:2 hesabıyla uduzub.

17 turdan sonra 26 xalı olan “Traktor” 16 kollektiv arasında 5-ci, 9 xala malik “Maşinsazi” isə sonuncu pillədə qərarlaşıb.