Yanvar, 2016-cı il. 

Rekord.az xəbər verir ki, yeni yaranmış kluba ad seçmək üçün 20 nəfər komanda üzvü səsvermədə iştirak edir. “

Mancanaq“,“Pantimat“ və başqa maraqlı adların olduğu 24 ad içərisindən yekunda seçilən 2 ad qalır - “Qardman“ və “Tufan“. Kluba daha çox səs toplayan “Tufan“ adı verilir.

Həmin ilin avqust ayında rəsmi qeydiyyata alınan klubun təşkilati-hüquqi forması ictimai birlikdir. Kluba İdarə Heyəti rəhbərlik edir.

Yeni yarandığı dövrdə 18 yaşdan yuxarı müxtəlif yaşlı həvəskarlardan təşkil olunan “Tuan“ Azərbaycan Həvəskarlar Futbol Federasiyasının təşkil etdiyi birincilikdə 2 mövsüm (2015-2016 və 2016-2017-ci illər mövsümü) iştirak edib.

2017-2018-ci il mövsümündən etibarən, inkişaf konsepsiyasına uyğun olaraq, həmin mövsüm üçün yenidən təsis olunmuş yeganə komandaya 20 yaşdan aşağı gənclər cəlb olunub və AFFA-nın təşkil etdiyi Region Liqasında mübarizə aparıb.

2018-2019-cu illər mövsümü üçün “Tufan”da iki yeni komanda yaradılıb. 21 yaşadək futbolçulardan təşkil olunmuş kollektiv Region Liqasında, 17 yaşlılar Azərbaycan çempionatında çıxış edir.