“Turan Tovuz” növbəti transferini rəsmiləşdirib.

Rekord.az xəbər verir ki, Tovuz klubu Aleks Serrano kimi tanınan Alexandro Qarsiya Serranonu heyətinə qatıb.

28 yaşlı ispan futbolçu ilə 1+1 illik rəsmi müqavilə bağlanıb.

"Sportinq Xixon"un yetirməsi olan yarımmüdafiəçi karyerası ərzində "Malyorka", "Selta", "Salamanka", "Kornelya", "Qurnik" (Polşa) klublarının formasını geyinib. O, son olaraq Bolqarıstan təmsilçisi "Hebar"ın şərəfini qoruyub.