3 turdan sonra 7 xalla Premyer Liqanın zirvəsində olan "Turan Tovuz" məşq üçün Sumqayıtı seçib.

Rekord.az xəbər verir ki, Kurban Berdiyevin komandası gündə bir dəfə olmaqla "Kapital Bank Arena"nın təbii örtüklü ehtiyat meydançasında məşq edir.

Komanda bu həftəni tam olaraq Sumqayıtda məşq edəcək. Gələn həftənin də 3 gününü komanda burada qalmağı planlaşdırır. Avqustun 30-da 5-ci tur çərçivəsində "Səbail"i qəbul edəcək Tovuz təmsilçisi matçdan bir gün öncə doğma rayona yollanacaq.