Qış fasiləsindən sonra "Turan Tovuz"un heyətində özünü yaxşı tərəfdən göstərən futbolçulardan biri də yeni transfer Aleks Souza oldu.

Rekord.az xəbər verir ki, braziliyalı hücumçu qısa zamanda həm komandaya uyğunlaşdı, həm də vurduğu qollarla tovuzlu azarkeşlərin sevimlisinə çevirildi.

Sən demə, bu futbolçu "Turan Tovuz"dan öncə "Səbail"ə təklif olunub, hətta bu komandanın məşqlərində də iştirak edib. Lakin bu komandada bəyənilmədikdən sonra Tovuza yollanıb və "Turan Tovuz"da bəyənilərək bu klubla müqavilə bağlayıb.