"Çelsi"nin baş məşqçisi Tomas Tuhel Çempionlar Liqasının yeni formatından narazıdır.

Rekord.az xəbər verir ki, o, komandaların daha çox matç keçirəcəyi üçün futbolçuların yorğun olacaqlarını düşünür:

"Yeni formatın xoşuma gəldiyini deyə bilmərəm. Çünki çox oyun keçirəcəyik. Bu yeni formatı qəbul edərkən hansısa məşqçi ilə məsləhətləşdilər? Bəs, hansısa futbolçudan nə isə soruşdular? Beynəlxalq səviyyədə çoxlu yarış var. Bu matçlarda kim oynayacaq? Mən bu formatdan razı deyiləm"

Qeyd edək ki, ÇL-in yeni formatına əsasən, 2024/25 mövsümündən başlayaraq qrup mərhələsi ləğv olunacaq, komandaların ümumi sayı 32-dən 36-yə yüksəldiləcək. Həmin vaxta qədər isə yarış indiki formatda davam edəcək.