Qaçış üzrə 8 qat Olimpiya çempionu Useyn Bolt “Yuventus”un futbolçusu Kriştiano Ronaldo haqqında danışıb.

Rekord.az İtaliya mətbuatına istinadən xəbər verir ki, 34 yaşlı idmançı portuqaliyalı hücumçunu hazırda özündən daha sürətli hesab edir:

“Aramızda yarış keçirilsə, Kriştiano qazanardı. Tam inamla deyirəm. Çünki hələ də formasındadır. Onu superidmançı hesab edirəm.

Ronaldo həmişə idmanın zirvəsindədir. Hər gün çox çalışır. O, daim diqqət mərkəzindədir. Ronaldonun hazırda məndən daha sürətli olduğunu düşünürəm”.