"Lerik"lə kubok matçında ağır zədə alaraq əməliyyat olunan "Sumqayıt"ın futbolçusu Velinovskidən yeni xəbər var.

Rekord.az xəbər verir ki, futbolçu ayın sonunda düşərgəyə dönür.

Lakin klubun mətbuat katibi Zaur Xudiyevin saytımıza verdiyi açıqlamadan belə qənaətə gəlmək olur ki. makedoniyalının futbola dönüşü istənilən halda, yaydan tez olmayacaq: "Əməliyyatdan 14 gün sonra Velinovskinin tikişi açıldı, xəstəxanadan çıxdı və Makedoniyaya göndərdik. Qış toplanışında bizimlə olmayacaq. Amma bildiyim qədəri ilə biz Antalyadan dönəndən sonra, yanvarın sonunda o da düşərgəyə dönəcək və reabilitasiyasına burada davam edəcək. Həkimlərin sözünə görə. hardasa aprel-may aylarında toparlanmış olacaq. Əgər hər şey yaxşı olsa. yay toplanışında komanda ilə birlikdə ola biləcək".