Quba-Xaçmaz Regional Gənclər və İdman İdarəsinin Xaçmaz rayonu üzrə gənclər və idman sektorunun təşkilatçılığı ilə idarə, müəssisə və təşkilatlar arasında keçirilən Xaçmaz rayon turnirinin qrup mərhələsinə yekun vurulmuşdur.

Rekord.az xəbər verir ki, 1/4 finala A qrupundan FHN Regional Mərkəzi, Xaçmaz Regional Qaz İstismarı İdarəsi və "Həyat İnşaat" Ticarət Mərkəzi, B qrupundan "Avromed" QSC, Daşınmaz Əmlakın Dövlət Kadastrı və Reyestri PHŞ 5 saylı Ərazi İdarəsi və "Kristall" Ticarət Mərkəzi, C qrupundan isə "Maliyyə" və Xaçmaz Rayon Polis Şöbəsinin komandaları vəsiqə qazanmışdır.

Bu mərhələnin oyunları 15 və 16 iyul 2024-cü il tarixlərdə keçiriləcəkdir. Püşkatma aşağıdakı komandaları bir-birinə rəqib etmişdir:

15 iyul

FHN Regional Mərkəzi - "Kristall" Ticarət Mərkəzi;

"Avromed" QSC - "Həyat İnşaat" Ticarət Mərkəzi.

16 iyul

"Maliyyə" - Xaçmaz Regional Qaz İstismarı İdarəsi;

Xaçmaz Rayon Polis Şöbəsi - DƏKR PHŞ 5 saylı Ərazi İdarəsi.

Bombardirlər yarışında "Avromed" QSC-nin oyunçuları Qeybulla Kaçayev (10 qol), Ruslan Mədətov (6 qol) və Xələf Mustafayev (6 qol) liderlik edirlər. Ən çox qapıçı seyvi isə hələ ki, "Maliyyə" komandasının qapıçısı Mədin Şeydayevə məxsusdur.

Oyunlar Xaçmaz şəhərində yerləşən minifutbol meydançasında keçirilir.