Xaçmaz rayonu Alıcqışlaq kəndində Quba-Xaçmaz Regional Gənclər və İdman İdarəsinin Xaçmaz rayonu üzrə gənclər və idman sektorunun təşkilatçılığı ilə karate idman növü ilə məşğul olan idmançılarla görüş keçirilmişdir.

Rekord.az xəbər verir ki, Alıcqışlaq kənd tam orta məktəbinin direktoru Kamran İslamov iştirakçıları salamlayaraq bu görüşü kənd idmançıların diqqətin təzahürü kimi qiymətləndirmişdir.

Qaracik-Zeyid kənd tam orta məktəbinin direktoru, həm də karate idman növü üzrə idmançıların yetişməsində əməyi olan Tərlan Dadaşov Alıcqışlaq və ətraf kəndlərdə yaşayan idmançıların rayon mərkəzinə getmədən məşq keçmələri üçün idman zalının inşasına zərurət olduğunu qeyd etmişdir. Bir neçə yeniyetmə və gənc idmançı bu idman növündə əldə etdikləri nailiyyətlərdən danışmışlar.

Daha sonra çıxış edən Quba-Xaçmaz Regional Gənclər və İdman İdarəsinin Xaçmaz rayonu üzrə gənclər və idman sektorunun müdiri Elman Məmmədov görüşdə səslənən təkliflərə həssas yanaşılacağını, idmançılara gələcək yarışlarda müvəffəqiyyətlər diləmişdir.

Sonda kənd idmançıları nümunəvi çıxışlar nümayiş etdirmişlər.